नेपालमा पछिल्लो २४ घण्टाको अवधिमा २१६ जनामा कोरोना भाइरसको संक्रमण पुष्टि भएको छ ।

आइतबार स्वास्थ्य तथा जनसंख्या मन्त्रालयका अनुसार ७ हजार ६३१ नमुनाको पीसीआर तथा एन्टिजेन विधिबाट परीक्षण गर्दा सो संख्यामा कोरोना संक्रमित थपिएका हुन् ।

सोही अवधिमा २०९ जना संक्रमणमुक्त भएका छन् । योसँगै कोरोनामुक्त हुनेको संख्या ८ लाख १२ हजार ४१९ पुगेको छ ।

त्यस्तै, २४ घण्टामा कोरोनाका कारण दुई जनाको मृत्यु भएको छ । मृत्यु हुनेको संख्या ११ हजार ५९६ पुगेको छ । हाल मुलुकभर सक्रिय संक्रमितको संख्या ४ हजार ९७१ रहेको छ ।