विदुर नगरपालिकाले पृथ्वी जयन्तीमा सार्वजनिक बिदा दिएको छ। पृथ्वीनारायण शाहले नेपाल एकीकरणको सुरुवात नुवाकोटवाटै गरेको सम्झनामा एकीकरणका नायकको सम्मान गर्दै पुस २७ गते सार्वजनिक बिदा दिने निर्णय भएको प्रमुख प्रशासकीय अधिकृत विनोदकुमार खनालले जानकारी दिए।

नगरपालिकाले आफ्नो मातहतका सबै कार्यालय, विद्यालयमा बिदा दिइने खनालले बताए। नगरपालिकाको निर्णयसहितको सार्वजनिक बिदा दिइएको सूचना सार्वजनिक गरिएको छ।

पृथ्वीनारायण शाहले विभिन्न बाइसे र चौबीसे राज्यमा टुक्रिएको नेपाललाई नुवाकोटबाटै एकीकरण थालेका थिए। शाहको देहत्याग पनि नुवाकोटकै देवीघाटमा भएको थियो।