बिन्दावासिनी मिडिया प्रालिद्वारा सञ्चालित रेडियो थाहासञ्चार ९९.६ मेघाहर्ज हेटौंडाको वार्षिकोत्सवको अवसरमा आयोजित सप्ताहव्यापी कार्यक्रमको छैठौं दिन शनिवार मकवानपुरे सञ्चारकर्मीबीच घैटौं फुटाई प्रतियोगिता कार्यक्रम सम्पन्न गरेको छ ।

हेटौंडा–४ स्थित भुटनदेवी माबिको खेलमैदानमा आयोजित साताव्यापी कार्यक्रमअन्तर्ग छैठौं दिनको अवसरमा शनिवार बिहान मकवानपुरे सञ्चारकर्मीबीच घैटौं फुटाई प्रतियोगिता सम्पन्न गरेको हो । घैंटो फुटाई प्रतियोगितामा अनिल पराजुली, मनिता राना र निकिता अधिकारीले घैंटो फुटाएका छन् । घैंटो फुटाउन सफल अनिल, मनिता र निकितालाई पुरस्कार स्वरुप प्रतिव्यक्ति ५ सय रुपैयाँ नगदसहित पुरस्कृत गरिएको छ ।

प्रतियोगितामा मकवानपुरका १९ जना सञ्चारकर्मीहरुले सहभागी थिए । रेडियोले १५ वर्ष पुरा गरी १६ वर्षमा प्रवेश गरेको अवसरमा फागुन १ गतेबाट साताव्यापी कार्यक्रम गरिरहेको छ । कार्यक्रमको पहिलो दिन फागुन १ गते सोमवार रेडियो परिसर सरसफाई कार्यक्रम गरेको छ । त्यसैगरी फागुन २ गते मंगलवार स्रोता मिलन कार्यक्रम , फागुन ३ गते बुधबार ‘सम्झनामा रुपचन्द्र विष्ट’ विषयक अन्र्तक्रिया कार्यक्रम गरेको छ । त्यसैगरी साताव्यापी कार्यक्रमको चौथो दिन फागुन ४ गते बहिवार बृहत रक्तदान कार्यक्रम र पाचौं दिन फागुन ५ गते शुक्रवार ‘सवारी दुर्घटना र यातायात व्यवस्थापन’ विषयमा सरोकारवालाहरुबीच अन्तरक्रिया कार्यक्रम गरेको छ ।

रेडियो कार्यक्रमको अन्तिम दिन फागुन ७ गते भोली पुरस्कार तथा प्रमाणपत्र वितरण, थाहा वर्ष सम्मान लगायत विविध कार्यक्रम गर्दै १६ औं बार्षिक उत्सब समापन समारोह हुने रेडियोका स्टेशन म्यानेजर गोकुल अधिकारीले जानकारी दिए ।