हेटौंडा / मदन भण्डारी मार्ग अर्न्तगत ईन्द्रसरोवर गाउँपालिका वडा नं ३ को ज्यामिरे देखी रामचन्द्र भञ्ज्याङ र सो स्थान देखी छैमले हुदै दक्षिणकाली सम्मको सडक दुबै खण्डमा सडकको स्तर उन्नती गरी स्ट्रक्चर निमार्ण सहित सडक पिच गर्ने कार्य भैरहेको हुदा अाज चैत्र १६ गतेदेखि अर्को सूचना नआएसम्म बाटो बन्द हुने भएको छ ।

यातायातका साधनहरु नियमित संचालन हुदा सडक निमार्ण कार्य गर्न निकै कठिन भएको र धुवा धुलोको कारण सडकमा  हिडडुल गर्न समस्या भएको हुदा बाटो बन्द गर्न लागिएको हो ।

ईन्द्रसरोवर गाउँपलिका  तीन नम्बर वडका  जनताहरु तत्काल यातायातका साधन हरु रोक्न वडा कार्यालयमा निवेदन सहित जनगुनासो आएपछि  इन्द्रसरोबर गाउँपालिका वडा नं ३ ले सूचना जारी गर्दै बाटो बन्द गर्न लागिएको हो ।

अत्तिआवश्यक साधन एम्बुलेन्स तथा स्थानिय सवारि साधन र नियमित चल्ने रुटका बस वाहेक अन्य सवारि साधन विहान ७ बजे देखी साझ ६ बजे सम्मका लागी पुर्ण रुपमा बन्द हुने भएको छ ।