हेटौंडा / मकवानपुरकाे बकैयामा सर्पको टोकाईबाट एक बालिकाको मृत्यु भएको छ ।

मृत्यु हुनेमा बकैया गाउँपालिका वडा नं.७ अधेरी बस्ने १२ बर्षीया करिष्मा लो रहेकी छन् । बागमती प्रदेश प्रहरीका अनुसार बुधबार आफ्नै घरमा बसिरहेको अवस्थामा करिष्मालाई सर्पले टोकेको थियो ।

परिवारले उनको उपचारका लागि हेटौंडा अस्पताल ल्याईएकोमा उपचरकै क्रममा बुधबार दिउँसो पौने ३ बजे मृत्यु भएको प्रहरीले जनाएको छ ।