हेटौंडा / हेटौंडामा इलेक्ट्रिक गाडी नेटा भी को स्वरुम सञ्चालनमा आएको छ ।

हेटौंडा ४ शितमहलचोकमा घटस्थापनाको अवसर पारेर उक्त स्वरुम सञ्चालनमा ल्याइएको हो । हेटौंडा ११ थानाभर्याङमा रहेको इभी कार्स एण्ड मोटर्स हब प्रा.लि ले नेटा भी गाडीको लागि उक्त स्वरुम सञ्चालनमा ल्याएको म्यानेजर सुलभ श्रेष्ठले बताए ।

उक्त नेटा भी इभी गाडीको खरिदमा विभिन्न अफरहरु ल्याइएको उनले बताए । जसमा डिक्की फुल उपहार प्रदान गर्ने भएको छ । यो दशैं तिहारको अफरमा इभी गाडीको खरिदमा हात खाली नजाने विभिन्न उपहार प्रदान गरिने भएको हो ।

गाडीको खरिदमा सिजीको ४३ ईञ्चको फोके स्मार्ट टिभी, कार भ्याकुम क्लिनर, प्रेसर वासर, सिजीको रेड भ्याकुम कप र सिजीकै ५ सय एमएलको फ्लास्क बोटल उपहारको रुपमा प्राप्त गर्ने छन् । यस्तै, जुनसुकै गाडीहरुसँग साँटेर समेत उक्त गाडी लिन सकिने श्रेष्ठले बताए । गाडी खरिदका लागि फाइनान्सको समेत सुविधा रहेको श्रेष्ठले बताए ।

हेटौंडामा रहेर मकवानपुर सहित आसपासका जिल्लाहरुमा समेत इलेक्ट्रिक गाडीहरु बिक्री गर्दै आइरहेको यस ईभी कार एण्ड मोटर्स हब प्रालि ग्राहकहरुको पहिलो रोजाइ बनिरहेको छ । आफ्ना ग्राहकहरुलाई चार्जिङको सेवा दिने उदेश्यले इभी कार्स एण्ड मोटर्स हबले आफ्नै चार्जिङ सेन्टर समेत सञ्चालनमा ल्याएको छ ।