रुकुम-पश्चिममा सोमबार बिहान जिप दुर्घटनामा परेको छ। लु १ ज २२९७ नम्बरको जिप दुर्घटना हुँदा २२ जना घाइते भएका छन्।

घाइतेमध्ये ७ जनाको अवस्था गम्भीर रहेको प्रहरीले जनाएको छ।रुकुम-पश्चिमको चौरजहारी नगरपालिका-८ गोइरीज्युलाको कालेगाउँ पुलनजिक जिप सडकबाट खसेको हो।

जिप खोलागाउँदेखि सदरमुकाम मुसिकोटतर्फ जाँदै थियो।  जिल्ला प्रहरी कार्यालय रुकुम-पश्चिमका प्रमुख डीएसपी नमराज भट्टराईका अनुसार सदरमुकाम जाँदै गरेको लु १ ज २२९७ नम्बरको जीप दुर्घटनामा परी २२ जना घाइते भएको जानकारी दिए। उनका अनुसार ७ जनाको अवस्था गम्भीर छ।

घाइतेहरुलाई चौरजहारी अस्पताल लगिएको छ।  जिप तीव्र गतिमा रहेको तथा ओभर लोडका कारण दुर्घटना भएको हुनसक्ने प्रहरीको अनुमान छ।