एमाले थाहाको अधिवेशन फागुण २८ गते
![](https://www.palikadiary.com/wp-content/uploads/2024/01/received_287365773963521-992x552.jpeg)
थाहानगर / नेकपा एमाले थाहा नगर कमिटीको आगामी अधिवेशन फागुण २८ गते गर्ने निर्णय गरेको छ ।
शनिबार पालुङमा सम्पन्न नगर कमिटीको पूर्ण बैठकले अच्युतम प्रसाद ढकालको संयोजकत्वमा एक सय ५ सदस्यीय अधिवेशन आयोजक कमिटी गठन गरेको हो ।
केन्द्रीय पोलिटव्युरो सदस्य तथा मकवानपुर इञ्चार्ज देवी ज्ञवालीको प्रमुख अतिथि एवम नगर अध्यक्ष ढकालको सध्यक्षतामा भएको बैठकले माघ पहिलो हप्ताभित्र सबै वडाहरुको बैठक, माघ २१ गतेभित्र सदस्यता नविकरण, फागुण ८ र ९ गते आवशीय प्रशिक्षण, फागुण १५ गतेभित्र सबै वडाहरुको अधिवेधन तथा प्रतिनिधि छनौट गर्ने निर्णय पनि गरेको छ ।
बैठकको अवसरमा प्रमुख अतिथि ज्ञवालीले पार्टीभित्र देखा परेको समस्यालाई चिरेर अघि बढे अर्को निर्वाचनमा गठबन्धनलाई पछार्न सकिने बताउनु भयो ।
बैठकको अवसरमा संविधान सभा सदस्य सुवाष चन्द्र ठकुरी, निर्वाचन क्षेत्र नम्बर २ का इञ्चार्ज बलराम बल, थाहा इञ्चार्ज तथा बागमती प्रदेश सदस्य इन्द्रमान स्याङ्तान, जिल्ला अध्यक्ष एकालाल श्रेष्ठले पार्टीका सर्कुलरहरु बारे बताउदै थाहामा जनताको विश्वास कायम गर्न आग्रह गर्नु भयो ।
बैठकमा प्रदेश कमिटी, जिल्ला कमिटी र नगर कमिटीका नेता तथा कार्यकर्ताहरुको उल्लेख्य सहभागिता थियो ।