हेटौंडा / स्वरोजगार लघुवित्त वित्तिय संस्था लिमिटेड शाखा कार्यालय सैनामैना रुपन्देहीले छात्रावृत्ती वितरण गरेको छ । शनिबार शाखाका कर्मचारीहरुको उपस्थितीमा छात्रावृत्ती वितरण गरिएको हो ।

सैनामैना परिवारको आयोजनामा आर्थिक बर्ष २०७९/0८० मा उत्कृष्ट प्रथम देखि दशौं सम्मका केन्द्रहरूबाट २ जनाको दरले २० जना बाालिकाहरुलाई छात्रावृत्ती दिइएको शाखा प्रबन्धक आचार्यले जानकारी दिए । प्रति बालिका १२ सय रुपैंयाको दरले २४ हजार रुपैंया छात्रावृत्ती उपलब्ध गराइएको बताइएको छ ।

सैनामैना क्षेत्रका क्षेत्रीय प्रमुख सरोज पौडेलको प्रमुख आतिथ्यमा कार्यक्रम सम्पन्न भएको हो । शाखाका शाखा प्रबन्धक भुबन आचार्यको सभाध्यक्षतामा भएको कार्यक्रममा शाखाका कर्मचारी चन्द्रदेब खनाल, तपेन्द्र भण्डारी, रिता चौधरी र मिठु महत लगाएतको उपस्थिती रहेको थियो ।