मोरङमा सशस्त्र प्रहरी बलको गुल्मका प्रमुख डीएसपी उपेन्द्र बस्याल आफ्नै कार्यालयभित्र मृत अवस्थामा फेला परेका छन्।

धनपालथान गाउँपालिका-३ स्थित सशस्त्र प्रहरी गुल्मको भान्सामा उनी झुण्डिएको अवस्थामा भेटिएका हुन्। दिउँसो सवा २ बजेतिर बस्यालको मृत्यु भएको खबर आएपछि प्रहरी टोली घटनास्थलमा पुगेको थियो। मोरङका प्रहरी प्रमुख एसपी नवराज कार्कीले घटनास्थलतर्फ लागेको बताए।

बाहिरबाट नै झुण्डिएको देखिएपछि प्रहरीले ढोका नखोलेको र परिवारलाई खबर गरिसकेको जानकारी दिए। सशस्त्र प्रहरी बलका प्रवक्ताले पनि बस्यालको मृत्युको पुष्टि गरी थप अनुसन्धान भइरहेको बताए। बस्यालको घर पाल्पा भएपनि परिवार काठमाडौंमै बसोबास गर्दै आएको छ।