हेटौंडा / मदन भण्डारी लोकमार्ग अन्तर्गत मकवानपुरको बकैया गाउँपालिका वडा नं.३ हात्तिसुडेमा मंगलबार मोटरसाइकल दुर्घटना हुँदा तीन जना घाइते भएका छन् ।

हात्तिसुडेतर्फबाट कालिदमार तर्फ जादै गरेको ज ५ प ९१२३ नम्बरको मोटरसाइकल आफै अनियन्त्रित भएर दुर्घटना हुँदा तीन जना घाइते भएको बामगती प्रदेश प्रहरी कार्यालय हेटौंडाले जानकारी दिएको छ ।

घाइते हुनेहरुमा चालक बकैया–११ कालिदमार वस्ने वर्ष २५ को प्रविन विक, पछाडि सवार सोही स्थान वस्ने वर्ष २० को निशान ब्लोन र बर्ष २२ को सुजन ब्लोन रहेका छन् । प्रहरीका अनुसार प्रविन र निशानको हेटौंडास्थित चुरेहिल अस्पतालमा उपचार भइरहेको छ भने सुजनको स्थानिय मेडिकलमा उपचार गरिएको छ ।