हेटौंडा / बिरगंजबाट हेटौंडातर्फ आउँदै गरेको प्र.२–०३–००१ च ५६५४ नम्बरको बोलेरो गाडीलाई रोकी चेक जाँच गर्दा भन्सार काटीएको बिल पुरानो भएकाले शंकास्पद देखिएको हुनाले नियन्त्रणमा लिइएको बागमती प्रदेश प्रहरी कार्यालय हेटौंडाले जानकारी दिएको छ। 

उक्त बोलेरो गाडीमा ६० बोरा प्याज करिब २ हजार ७ सय केजी रहेको छ । जसको अनुमानित मूल्य रू १,०८,०००/–  ( एक लाख आठ हजार ) रहेको छ। बोलेरो चालक बारा जिल्ला, बिरगंज महानगरपालिका वडा नम्बर १२ बस्ने २२ वर्षीय कुन्दन कुमार सहित गाडीलाई प्रहरी चौकी रातोमाटेले नियन्त्रणमा लिएको प्रहरीले जनाएको छ। 

आवश्यक कारबाहीका लागि राजश्व कार्यालय पथलैया पठाइएको प्रहरीले जानकारी दिएको छ।