सिमखोलामा मोटरसाइकल दुर्घटना, एक जना घाइते
![Motorcycle accident, one injured](https://www.palikadiary.com/wp-content/uploads/2024/03/6c5aad44-5396-440c-89c2-8d83060ef297-992x578.jpeg)
हेटौंडा / इन्द्रसरोवर गाउँपालिका वडा नम्बर –२ सिमखोलामा मोटरसाइकल दुर्घटना हुँदा एक जना घाइते भएका छन् ।
हिजाे शनिबार हेटौंडाबाट काठमाण्डौ तर्फ जाँदै गरेको लु. ३४ प ३६०४ नम्बरको मोटरसाइकल आफै अनियन्त्रित भई सडकबाट करिब १५ मिटर तल खसेको थियो । दुर्घटनामा मोटरसाइकल चालक चितवन जिल्ला खैरहनी नगरपालिका वडा नम्बर १ घर भएका २९ वर्षीय यज्ञ बहादुर मगर रहेको बागमती प्रदेश प्रहरी कार्यालय हेटौंडाले जानकारी दिएको छ ।
मगरको ढाडमा चोट लागेको भएतापनि अवस्था मध्यम रहेको र उपचारको लागी काठमाण्डौ छाउनी अस्पताल पठाइएको प्रहरीले जनाएको छ । उनी दाङ जिल्लाको रङसिंह दलमा कार्यरत नेपाली सेना हुन् ।
प्रतिक्रिया