जी न्याैपाने

हेटौंडा / हेटौंडा ११ वडा स्थित थानाभर्‍याङमा रहेको श्री उपयोगी सहश्राब्दी बचत तथा ऋण सहकारी संस्थाले हेटौंडा ११ मा रहेको ५ वटा टोल विकाश संस्थाका पदाधिकारीहरूलाई सहकारी शिक्षा र यसको महत्त्वबारे  जानकारी गराएको छ । 

सहकारीको शिक्षा उपसमिति को आयोजनामा गरिएको कार्यक्रममा स्मारक , शान्तिचोक , गणेशथान , सिद्धार्थ , लालीगुराँस टोल विकास संस्थाका पदाधिकारीहरूलाई सहकारी को महत्त्वबारे जानकारी दिएको कार्यक्रम संयोजक यज्ञबहादुर आचार्यले जानकारी दिए । उपयोगी सहश्राब्दीका कोशाध्यक्ष रामेश्वर नगरकोटी को सभाध्यक्षतामा हेटौंडा ११ स्थित शहीद स्मारकको थाहा भवनमा भएको कार्यक्रममा हेटौंडा ११ की वडाध्यक्ष जुना दाहालको प्रमुख आतिथ्यता रहेको थियो । 

कार्यक्रममा आयोजक सहकारी का अध्यक्ष दिनेश बिडारी , गणेशथान टोल विकास संस्थाकी अध्यक्ष तारा कप्रौला लगायतकाले मन्तव्य व्यक्त गरेका थिए । कार्यक्रममा टोल विकास संस्थाका १५८ जना सहभागी थिए ।