हेटौंडामा उपमहानगरमा एसइईमा कति पास भए ? शिक्षा शाखा भन्छ–‘तथ्याङ्कै छैन’
![संघीय सरकारद्धारा मकवानपुरलाई ४अर्ब बजेट, हेटौंडालाई कति ?](https://www.palikadiary.com/wp-content/uploads/2022/06/Hetauda-upamahanagarpalika-992x505.jpg)
हेटौंडा / मकवानपुरको हेटौंडा उपमहानगरपालिकाले आफ्नो पालिका क्षेत्रका कतिजना विद्यार्थी एसइई परीक्षा, २०८० मा उतीर्ण भए त्यसको अभिलेख नै नभएको जनाएको छ । एसइई उतीर्ण सम्बन्धी अभिलेख पालिकासंग नभएको हेटौंडा उपमहानगरका अधिकृत सातौं, विद्यालय निरीक्षक रमेश विडारीले जानकारी दिए ।
विद्यालय निरीक्षक विडारीले भने–‘यो प्रश्न मलाई होइन शिक्षा समन्वय इकाइ मकवानपुरलाई सोध्नूपर्ने हो।’ उनले पालिका क्षेत्रमा कति जना विद्यार्थीले एसइई परीक्षा दिए त्यसको पनि अभिलेख नभएको बताए । अन्य पालिकाले त अभिलेख खारी जानकारी दिए नि ? भन्ने संवाददाताको प्रश्नमा उनले जवाफ लाउँदै भने–‘अरु सबै पालिकाको जति स्कूल हाम्रो पालिकामा मात्रै छ कसरी आउँछ डाटा ? ’ उनले तथ्याङ्क संकलन भएपछि जानकारी गराउने आश्वासन दिए ।
परीक्षाफल प्रकाशित भएको एक दिन बितिसक्दा पनि हेटौंडा उपमहानगरपालिकासंग अझै तथ्याङ्क तयार भएको छैन । संविधानको अनुसूची ८ मा स्थानीय तहको अधिकार सूचीमा आधारभूत र माध्यमिक शिक्षासम्बन्धी व्यवस्था रहेको छ । त्यस्तै स्थानीय सरकार सञ्चालन ऐन, २०७४ मा स्थानीय तहको अभिलेख तथा तथ्याङक व्यवस्थापन गर्नुपर्ने नगरपालिकाको काम तथा कर्तव्यमा उल्लेख छ ।