हेटौंडा । नेपाली सेनाको ट्रकमा आगलागी भएको छ। ७ नम्बर बाहिनी अड्डा (चनवन व्यारेक) मकवानपुरबाट तालिमको लागि थाहानगरपालिकाको सिमभन्ज्याङ रिकि गर्न जाँदै गरेको नेपाली सेनाको ट्रकमा आगलागी भएको छ। बिहीबार (आज) दिउँसो त्रिभुवन राजपथ दामन– शिखरकोट सडक खण्ड अन्तर्गत थाहा–४ कुर्सी मोडमा आगलागी भएको हो।

 बा १ ग ३४३६ नम्बरको ट्रकमा आगलागी हुँदा ट्रक जलेर पूर्ण क्षति भएको छ। ट्रकको सापट भाचिएपछी ट्रकलाई साइट लगाउने क्रममा अचानक आगो लागेको ट्रकमा सवार नेपाली सेनाले बताए। सापट भाचिएर डिजल ट्याङ्की लागेपछि डिजल चुहिएर आगोलागी भएको सेनाको भनाइ छ। १८ जना सवार रहेको ट्रकमा आगोलागी पछि थाहा नगरपालिकाको दमकलले आगो निभाउने कोसिस गरिए पनि सफल नभएको ईलाका प्रहरी कार्यालय पालुङले जनाएको छ। आगलागीमा मानवीय क्षति भने भएको छैन। तर तालिमका लागि लगिएको सामाग्रीहरु भने नष्ट भएको प्रहरीले जनाएको छ।