मकवानपुर थाहा नगरपालिकामा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ आउने भएका छन् ।

नेकपा माओवादी केन्द्रको युवा संगठन योङ कम्युनिष्ट लिग (वाइसीएल) थाहानगरको २४ कार्तिकमा हुने दोस्रो नगर अधिवेशन उद्घाटनका लागि प्रचण्ड थाहानगर आउने कार्यक्रम तय भएको नेकपा माओवादी केन्द्र थाहानगरका अध्यक्ष बिनोद लामाले जानकारी दिए ।

कार्यक्रम २४ कार्तिक विहान ११ बजे इन्द्रायणी चौरमा हुने आयोजक वाइसिएल थाहानगरका अध्यक्ष मानसिंह दोङले जानकारी दिए । जनसभा सहितको अधिवेशनमा अध्यक्ष प्रचण्डसहित अन्य नेताहरुले सम्बोधन गर्ने कार्यक्रम छ ।

अधिवेशनको अवसरमा शहीद, बेपत्ता परिवार तथा पूर्व जनसेना सम्मान कार्यक्रम तय गरिएको नगर अध्यक्ष लामाले जानकारी दिए। पालुङ जेसिज सभाहलमा हुने बन्दसत्रको अवसरमा पार्टी प्रशिक्षणका साथै विभिन्न पार्टी परित्याग गरी पाार्टी प्रवेशको कार्यक्रम समेत रहेको छ ।