मंसिर १६ गते हुने स्थानीय तह उपनिर्वाचनका लागि राष्ट्रिय स्वतन्त्र पार्टी (रास्वपा) ले उम्मेदवारी दर्ता गराएको छ ।

हेटौंडा उपमहानगरपालिका–१२ को वडाध्यक्ष पदका आशाविर बलले आफ्नो उम्मेदवारी दर्ता गराएका हुन्।

रास्वपा मकवानपुरका सदस्य चन्द्रबहादुर स्याङ्तानको समर्थक तथा राजदेव लामाको प्रस्तावकमा वडाध्यक्ष पदका उम्मेदवार बलले उम्मेदवारी दर्ता गराएका हुन्। अघिले स्थानीय तह निर्वाचनमा मुख्यत माओवादी केन्द्र, नेपाली कांग्रेस र नेकपा एमालेको चुनावी भीडन्त भएको यस वडामा रास्वपाले आफ्नो उम्मेदवार खडा गरेपछि तीन ठुला दललाई चुनौती थपिने आंकलन चुलिएको छ ।

२०७९ वैशाखमा सम्पन्न स्थानीय तह निर्वाचनमा निर्वाचित वडाअध्यक्ष ललितबहादुर घलान जिल्ला समन्वय समिति प्रमुखमा निर्वाचित भएपछि यहाँको वडाध्यक्ष पद रिक्त थियो।