हेटौंडा / मकवानपुरको मनहरी गाउँपालिका वडा नम्बर–८ दारीमबासमा करेन्ट लागेर एक जनाकाे मृत्यु भएकाे ।

११ हजार भोल्टेजको हाइटेन्सन तार चुडिएर भुईमा लत्रिएको नाङ्गो तारमा करेन्ट लाग्दा स्थानीय ३८ वर्षीय मंगल सिंह प्रजाको मृत्यु भएको हो प्रहरीले जनाएकाे छ  । उक्त तारमा करेन्ट लागी मृत अवस्थामा रहेका मंगल सिंहलाई स्थानीयवासीहरूले देखेर तत्काल प्रहरीलाई सूचना दिएका थिए ।

त्यस्तै, सोही स्थानमा ४० वर्षीया इन्द्रमाया मगर घरबाट मनहरी तर्फ आउँदै गर्दा करेन्ट लागेर घाइते भएकी छिन् भनी जिल्ला प्रहरी कार्यालय मकवानपुरका प्रहरी नायब उपरीक्षक श्याम अर्यालले जानकारी दिएका छन् ।