हेटौंडा  /  हेटौंडाकाे राप्ती खोलाको बीच भागमा शनिबार (हिजो) एक पुरुषको शव फेला परेको छ। शव ढुंगामा अड्किएको अवस्थामा घोप्टो पल्टिएको अवस्थामा भेटिएको बागमती प्रदेश प्रहरी कार्यालय हेटौंडाले जानकारी दिएको छ।

मृत्यु हुनेमा हेटौंडा उपमहानगरपालिका–१ लालझाडीका ३५–३६ वर्षका राजकुमार ब्लोन रहेको प्रहरीले जनाएको छ। मृतकका काकाका छोरा उत्तम ब्लोनले शवको सनाखत गरेका हुन्। पारिवारिक स्रोतका अनुसार राजकुमार ब्लोनको मानसिक सन्तुलन ठिक नभएको बताईएको छ ।

घटनास्थलमा प्रहरीले शव मुचुल्का तयार गरी पोस्टमार्टमका लागि हेटौंडा अस्पताल पठाएको छ। घटनाको सम्बन्धमा थप अनुसन्धान भइरहेको प्रहरीले जानकारी दिएको छ।