हेटाै‌ंडा / चितवनको खैरहनी नगरपालिका–१३ सिम्रेनीमा जङ्गली जनावर भालुको आक्रमणमा परी एक महिला घाइते भएकी छिन् ।

घाइते हुनेमा खैरहनी नगरपालिका–१३ सिम्रेनीमा बस्ने ३५ वर्षीया सुगनी महतो रहेकाे बागमती प्रदेश प्रहरी कार्यालय हेटौ‌ंडाले जानकारी दिएको छ । महतोलाई भालुले आफ्नै घरको आँगनमा आक्रमण गरी घाइते बनाएको हो।

घटनापछि घाइते महतोलाई उपचारका लागि भरतपुरस्थित सरकारी अस्पतालमा लगिएको छ । अस्पतालका अनुसार उनको हातमा चोट लागेको छ र अवस्था मध्यम रहेको बताइएको छ ।

स्थानीयबासीका अनुसार जङ्गली जनावर बस्तीमा पसेर आक्रमण गरेको यो पहिलो घटना भने होइन । वन क्षेत्र नजिकै रहेका गाउँहरूमा जङ्गली जनावरको जोखिम बढ्दो रहेको छ । यस घटनाप्रति सम्बन्धित निकायले तत्काल ध्यान दिनुपर्ने आवश्यकता रहेको स्थानीयहरूले माग गरेका छन् ।