आज सुनको मूल्य बढेको छ । बुधबार प्रतितोला एकसय रुपैयाँ घटेको सुनको मूल्य आज ६ सय रुपैयाँ बढेको हो । आज चाँदीको मूल्य भने स्थिर छ ।

आज सुनको मूल्य एक लाख ५० हजार तीनसय रुपैयाँ कायम भएको नेपाल सुनचाँदी व्यवसायी महासंघले जनाएको छ । हिजो सुनको मूल्य एक लाख ४९ हजार सातसय रुपैयाँ थियो । गएको मंगलबार सुनको मूल्य एक लाख ४९ हजार आठसय रुपैयाँ थियो ।

आज चाँदीको मूल्य भने बुधबारकै मूल्यमा स्थिर छ । आज चाँदीको मूल्य तोलाको एक हजार आठसयमै स्थिर रहेको महासंघले जनाएको छ ।