हेटौंडा /  मकवानपुरको मनहरीमा अबैध भरुवा बन्दुकसहित एक व्यक्ति पक्राउ परेका छन् । इलाका प्रहरी कार्यालय मनहरी मकवानपुरबाट खटिएको प्रहरी टोलीले बिशेष सूचनाको आधारमा पक्राउ गरेकाे मकवानपुर प्रहरीले जानकारी दिएको छ ।

पक्राउ पर्नेमा मकवानपुर को राक्सिराङ गाउँपालिका वडा नं. १, गडुवानका ५२ वर्षीय जीत बहादुर थिङ रहेको प्रहरीले जनाएको छ । उनलाई भरुवा बन्दुक काँधमा बोकेर हिंडिरहेको अवस्थामा फेला पारिएको हो ।

प्रहरीले थिङको साथबाट भरुवा बन्दुक १ थान, फलामको विभिन्न साइजका गोलाकार बेरिङ १३ थान, लाम्चो आकारका फलामका वस्तु ३३ थान, बारुद जस्तो देखिने पाउडर ३०५ ग्राम, ढुंगाको जस्तो देखिने वस्तु २४ थान र खुकुरी १ थान बरामद गरेको छ।

पक्राउ परेका थिङलाई हातहतियार तथा खरखजना सम्बन्धी कसुरमा अनुसन्धान अगाडि बढाइएको  प्रहरीले जनाएको छ।