काठमाडौं / ‘मिस स्टार युनिभर्स २०२३’ को शीर्ष उपाधि सृष्टि महर्जनले जितेकी छन् । दुबईमा आयोजित अन्तर्राष्ट्रिय सौन्दर्य प्रतियोगितामा १९ देशका प्रतिस्पर्धीलाई पछि पार्दै उनले उपाधि चुमेकी हुन् ।

२२ वर्षीया महर्जनले प्रतियोगितामा शीर्षसहित ‘मिस गर्जियस’ र ‘मिस प्राइड अफ स्टार युनिभर्स’को सबटाइटलसमेत हात पारिन् । ‘मिस स्टार युनिभर्स २०२३’ शीर्ष विजेता बन्दा निकै खुसी लागेको र देशलाई अन्तर्राष्ट्रिय क्षेत्रमा चिनाउन आफू सफल भएको महर्जनले बताइन् ।

कार्यक्रममा ‘मिसेस स्टार युनिभर्स २०२३’ तर्फ नेपाली जोया बुढाथोकीले सहउपाधि ‘मिसेस ब्युटिफुल बडी’ हाँसिल गरिन् । होटल ब्रिस्टल दुआबीमा आयोजित कार्यक्रममा डा. बु. अब्दुला, बलिउड सेलिब्रेटी आफताब शिवदासानीलगायतले विजेतालाई ताज लगाइदिए ।