राष्ट्रिय युवा संघ नेपाल मकवानपुर (युथ फोर्स विभाग) को संयुक्त आयोजनामा वृक्षारोपण कार्यक्रम सम्पन्न गरेको छ ।

आज विहान युवा संघ नेपाल मकवानपुरले १ महिने वृक्षारोपण अभियान अन्र्तगत हेटौंडा उपमहानगरपालिका वडा नं.१३ स्थित गुम्बा पार्क परिसरमा विभिन्न प्रजातीको ३ सए १३ वटा विरुवा रोपेको हो। युथ फोर्स विभाग मकवानपुरका प्रमुख प्रकाश सुवेदीको सभाध्यक्षता तथा नेकपा एमालेका पोलिटब्युरो सदस्य देवि ज्ञावलीको प्रमुख आथित्यतामा वृक्षारोपण कार्यक्रम सम्पन्न गरेको हो ।

वृक्षारोपण कार्यक्रमलाई आफ्नो छोटो भनाइ राख्दै कार्यक्रमको प्रमुख अतिथी पाटी नेकपा एमाले पोलिट्ब्युरो सदस्य तथा मकवानपुर इन्चार्ज देवि ज्ञावलीले विरुवा रोपेर युवाहरुलाई रचनात्मक र प्रभावकारी काममा लागि परेको भन्दै धन्यवाद ज्ञापन गरे । यस्तै उनले अन्यपार्टीका भातृसंगठनहरुले सुन प्रकरणमा सङ्ग्लन रहेका मोतिहारहरुलाई बचाउन लागिपरिहरहेका अवस्थामा हाम्रो युवा संघ नेपालले यस्तो रचनात्मक कार्य गर्दै वृक्षारोपण कार्यक्रम गर्नुले समाजमा राम्रो सन्देश गएको बताए

वृक्षारोपण कार्यक्रमलाई सविन लामाले संचालन गरेका थिए भने कार्यक्रममा नेकपा एमालेका केन्द्रिय सदस्य तथा मकवानपुर इन्चार्ज रामेश्वार राना,नेकपा एमाले बागमती प्रदेशका सदस्य श्रीधर पोखरेल,नेकपा एमाले मकवानपुरका सचिव नविन सिग्देल,उपसचिव हिदम लामा,नगर कमिटिका अध्यक्ष शालिकराम पुडासैनी, युवा नेता सानु लामा, युवा संघ नेपालकी केन्द्रिय सदस्यहरु दिलु घर्ती मगर ,प्रकाश लामा लगायत ३ सय भन्दा बढि युवाहरुको सहभागिता रहेको थियो ।