दार्चुलाको नौगाड गाउँपालिकाका अध्यक्ष दलजित सिंह धामी सवार गाडी दुर्घटना भएको छ ।

नौगाड–२ सुण्डमुण्डबाट होपरिगाडतर्फ गइरहेको प्रदेश नम्बर ३–०२२ च ५१२९ नम्बरको जीप नौगाड–३ बगडकाे जामिरमा हिजाे बिहीवार दिउँसो दुर्घटनामा परेको थियो ।

दुर्घटनामा परि चालक जयभान सिंह ठगुन्ना गम्भीर घाइते भएका र गाउँपालिका अध्यक्ष धामीलाई सामान्य चोट लागेको जिल्ला प्रहरी कार्यालय दार्चुलाका प्रहरी निरीक्षक ज्ञानेन्द्रबहादुर सिंहले जानकारी दिनुभयो । उहाँका अनुसार घाइते दुवै जनालाई उपचारका लागि धनगढी लगिएको छ ।

दुर्घटनामा परेकाे जीप नौगाड गाउँपालिकाले भाडामा लिएको जनाइएको छ ।