प्रहरीले लागूऔषधसहित वीरगन्जबाट २ जनलाई पक्राउ गरेको छ । पक्राउ पर्नेमा बारा जितपुर सिमरा उपमहानगर पालिका-७ का ३८ वर्षीय विनोदप्रसाद गुप्ता र ३८ वर्षीय फिरोज चौधरी छन् ।

प्रहरी चौकी बसपार्क तथा लागूऔषध नियन्त्रण ब्युरो शाखा कार्यालय पर्साबाट खटिएको संयुक्त जाँच टोलीले वीरगन्ज-८ सडकखण्डमा कुराकानी गरिरहेको अवस्थामा उनीहरुलाई सोमबार नियन्त्रणमा लिएको हो ।

दुवैको शरीर खानतलासी गर्दा गुप्ताको पाइन्टको खल्तीबाट २ वटा सेतो रङको प्लास्टिकमा बेरिएको लागूऔषध खैरो हिरोइनजस्तो देखिने सेतो पदार्थ १ सय २ ग्राम फेला परिएको थियो ।

दुवैलाई नियन्त्रणमा लिई लागूऔषधसम्बन्धी कसुरमा थप अनुसन्धान कार्य भइरहेको जिल्ला प्रहरी कार्यालय पर्साका प्रवक्ता डिएसपी कुमारविक्रम थापाले जानकारी दिए ।