हेटौंडा / मकवानपुरको मकवानपुरगढी गाउँपालिका वडा नम्बर २ शिखरकटेरी स्थित भित्री सडकखण्डमा टिप्पर दुर्घटना हुँदा दुई जना घाइते भएका छन् । 

सुकौराबाट शिवम् सिमेन्ट फ्याक्ट्री तर्फ आँउदै गरेको ना ५ ख ३००५ नम्बरको ढुङ्गा बोकेको टिप्पर आफै अनियन्त्रित भइ दुर्घटना हुँदा दुई जना घाइते भएका हुन् ।

घाईते हुनेमा टिप्पर चालक मकवानपुर मकवानपुरगढी गाउँपालिका वडा नम्बर ८ बूढीचौर बस्ने ३२ वर्षीय संजय स्याङ्तान र टिफरमा सवार मकवानपुरगढी डुम्म्रेकुना बस्ने ४३ वर्षीय सूर्य घलान रहेका छन् । 

उनीहरूको हेटौंडा स्थित चुरेहिल अस्पतालमा उपचार भइरहेको जिल्ला प्रहरी कार्यालय मकवानपुरका प्रहरी नायब उपरीक्षक लक्ष्मी भण्डारीले जानकारी दिए ।