हेटौंडा /  राक्सिराङ्ग गाउँपालिका वडा नम्बर ५ स्थित टङरङमा एक व्यक्ति मृत अवस्थामा फेला परेका छन् । 

मृत्यु हुनेमा राक्सिराङ्ग गाउँपालिका वडा नम्बर ५ चुरीडाँडा बस्ने अन्दाजी २८ वर्षका सोमलाल प्रजा रहेका छन् । राक्सिराङ्ग गाउँपालिका ५ टङरङ बस्ने रिमलाल प्रजाको घरमा बिहे खान गएका प्रजा बाख्राको खोर नजिकै मृत अवस्थामा फेला परेका हुन्।

उनको शव घोप्टो अवस्थामा रहेको थियो। यस घटनाको खबर प्रहरी चौकी चैनपुरमा पुगेको र घटना सम्बन्धी थप अनुसन्धान भैरहेको बागमती प्रदेश प्रहरी कार्यालय हेटौंडाले जानकारी दिएको छ।