२४ घण्टामा ५ सय ४० जनामा काेराेना पुष्टि
![२९६ लाई कोरोना ८ हजार ९७२ परीक्षण](https://www.palikadiary.com/wp-content/uploads/2021/11/Covid-New1622857716-992x558.jpg)
पछिल्लो २४ घण्टामा पाँच सय ४० जनामा कोरोना भाइरसको सङ्क्रमण पुष्टि भएको छ । एन्टिजेन र पीसीआर गरी १२ हजार ९९ सय जनाको नमुना परीक्षण गर्दा पाँच सय ४० जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
यस्तै गएको २४ घण्टामा दुई सय ७१ जना निको भएर घर फर्किएका छन् । याेसँगै अहिलेसम्म आठ लाख १३ हजार चार सय ४७ जना काेराेना सङ्क्रमणमुक्त भएका छन् ।
यस्तै एक जनाको ज्यान गएसँगै कोरोना सङ्क्रमणका कारण ज्यान गुमाउनेको सङ्ख्या ११ हजार ६ सय २ पुगेको छ । अहिले नेपालमा पाँच हजार चार सय ३१ जना कोरोना भाइरसका सक्रिय सङ्क्रमित रहेका छन् ।
यसैबीच गएको २४ घण्टामा एक लाख २० हजार ६ सय ५३ जनाले कोरोनाविरुद्धको खोप लगाएका छन् । नेपालमा अहिलेसम्म एक करोड नाै लाख चार हजार आठ सय ५९ जनाले पूर्ण मात्रा र एक करोड ४७ लाख ३७ हजार चार सय ३३ जनाले एक मात्रा खोप लगाएका मन्त्रालयले जनाएको छ ।