राक्सिराङ र बकैया गाउँपालिकामा ३९ बिगाहामा लगाइएको अफिम खेती नष्ट
![राक्सिराङ गाउँपालिका र बकैया गाउँपालिकामा](https://www.palikadiary.com/wp-content/uploads/2022/03/275814713_3134727396815085_5404055608798154612_n-1-992x549.jpg)
हेटौंडा । राक्सिराङ गाउँपालिका र बकैया गाउँपालिकामा ३९ बिगाहामा लगाइएको अफिम खेती नष्ट गरेको छ ।
राक्सिराङ गाउँपालिका–४ अन्तर्गत राक्सिराङ, मान्छामुन्टी, जैसिङटार, मानछाप, छापडाँडा र सोही गाउँपालिका–५ अन्तर्गत बमकिङ, लाफर लगायतको क्षेत्रमा २८ बिगाहमा लगाइएको अफिम खेती सोमबार प्रहरीले नष्ट गरेको हो ।
लागूऔषध नियन्त्रण ब्यूरो कोटेश्वर काठमाडौं, बागमती प्रदेश प्रहरी गण रातोमाटे र जिल्ला प्रहरी कार्यालय मकवानपुर तथा मातहत कार्यालयबाट खटिएको प्रहरीले उक्त खेती नष्ट गरेको हो ।
यसैगरी मकवानपुरको बकैया गाउँपालिका–६ ज्यामिरे, मोरङगेढाप लगायतको क्षेत्रमा ११ बिगाह जग्गामा लगाइएको अफिम खेती आइतबार प्रहरीले नष्ट गरेको छ । ईलाका प्रहरी कार्यालय फापरबारीबाट खटिएको प्रहरीले उक्त खेती नष्ट गरेको हो ।
प्रतिक्रिया