रिटर्नी कृषि तथा पशुपालन कम्पनी लिमिटेडले सुरु गर्याे माईग्रेन्ट कृषि मार्ट
![रिटर्नी कृषि तथा पशुपालन कम्पनी लिमिटेडले सुरु गर्याे माईग्रेन्ट कृषि मार्ट](https://www.palikadiary.com/wp-content/uploads/2022/06/IMG_4538-992x661.jpg)
हेटौंडा / बागमती प्रदेशको राजधानी हेटौंडामा असार १५ गतेबाट माईग्रेन्ट कृषि मार्ट संचालनमा आएको छ ।
रिटर्नी कृषि तथा पशुपालन कम्पनी लिमिटेडले हेटौंडा ५ पिप्लेमा कृषि मार्ट संचालन गरि आज बागमती प्रदेशको प्रथम मुख्यमन्त्री डोरमणी पौडेलले मार्टको औपचारिक उद्घाटन गरेका हुन् ।
माईग्रेन्ट कृषि मार्टका अध्यक्ष सरोज पुडासैनीको अध्यक्षतमा मार्टको उद्घाटन भएको हो । वैदेशिक रोजगारबाट स्वदेश फर्केकाहरुको समूहबाट मार्ट सन्चालनमा आएको हो । प्रमुख अतिथी तथा बागमती प्रदेशको प्रथम मुख्यमन्त्री डोरमण्ी पौडेलले यो मार्ट सन्चालनमा आउदा मकवानपुरका किसानहरु बिचौलिया बाट हैरानी हुन नपर्ने बिश्वास ब्यक्त गरे ।
वैदेशिक रोजगारबाट स्वदेश फिर्ता भएका २५ जनाको एकएक लाख गरेर २५ लाखको लगानी गरेर मार्ट सन्चालनमा ल्याएको सन्चालक तथा कार्यक्रमको सभा अध्यक्ष सरोज पुडासैनीले बताए । पुडासैनिका अनुसार मार्टमा स्वदेशमा किसानले उत्पादन गरेको कृषिजन्य उपजहरु राखिनेछ । किसानले उत्पादन गरेको उपजहरुलाई उचित मूल्य दिने र विचौलियाहरुको अन्त्य गर्ने रिटर्नी माईग्रेन्टको उदेश्य रहेको पुडासैनीले बताए ।
विदेशबाट आर्जित सीप, ज्ञान र पुजी स्वदेश सदुपयोग गर्नुपर्ने बताउँदै उनले आफुहरुले विभिन्न योजना अनुसार कामहरु गर्दै आएको बताए । उनले मार्ट सङ्गै कृषि सहकारिको पनि सुरुवात गरेका छौ यसबाट ब्याबसायिक कृषकहरुलार्इ सहुलियत ब्याज दरमा ऋण लगानी गरि कृषि पेशामा आत्मनिर्भर बनाउने पनि जानकारी गराए ।